青出於藍

今天回家,

一開電腦看見書友仔傳了一段文字,

一看, 在問一下,

主角果然是我一位舊生,

一位我相當喜歡的舊生.

 

文字如下:

 

 

2014年五月三日晚上。
在開往九龍方向的106巴士上，有三位剛上車的乘客。其中一位坐在小弟身傍並用普通話跟另外兩人交談！其間坐在小弟身邊的，拿著一個蘋果在吃！故事來了。小弟見狀，立即用普通話勸喻！當佢聽到我同佢講車上面唔可以食野時，佢嘅即時反應係對著我，大口大口的著蘋果，然後跟我講！「你話呢度唔食得，我就食給你看！」然後態度囂張，再跟我說「報警吧！拉我吧！」「x你老母」其同行也加入並繼續以唔鹹唔淡嘅廣東粗口鬧著！
當下我把電話拿出來，它們立發出恥笑聲！當然，我並不是因為如此...小事而勞動我們的警察！因為呢啲事真係報警都冇用！所以我為的是要跟他們拍照！(圖一)到我地同佢影相嘅時候，可能佢地真係好驚佢哋嘅相係網上面出現！由之前嘅囂張跋扈變成凶神惡煞！期間坐我隔離嘅，仲搶我電話添！跟住我又繼續同佢地講，巴士嘅條例係冇一條唔俾係巴士上面影相，不過就有係巴士上面去唔可以食野嘅！跟住佢哋開始郁手郁腳，坐隔離嗰個仲想郁手打我！糾纏期間，有一名嬌滴滴嘅女士過來勸阻，其實佢地三個身型都幾魁梧。同呢位女士身型相比之下，就好似進擊之巨人入面三笠同十五米高巨人嘅分別一樣！不過佢嘅英勇程度都係同三笠一樣。最後亦都係由呢位女士幫我報警。最後警察來到，而呢三個粉皮就以歧視內地人為藉口，所以先會咁。其他車上面嘅花生友！都無人講過任何一句說話，全部落晒車！得番呢個見義勇為嬌滴滴嘅女仕，同埋我呢個滋事分子，佢話怕我被打才報警。哈哈！當然警察係唔可以拉佢，但就幫我哋趕咗佢落車。而巴士司機亦都好好人，送咗我同呢位女仕返到屋企附近嘅巴士站！期後我同呢位女士交談，原來她也是來港工作才兩年的內地人！對於佢嘅出手幫助，我非常感激。而其他冷眼旁觀嘅香港人，我真係唔知講咩好！最後我想講唔理你係內地人定香港人，請大家有啲公德！今日可能係車上食蘋果，聽日就會係車上面屙屎屙尿。最後受嘅就係你同我！你哋嘅沉默，就係對呢啲人最大嘅鼓勵！

 

書友仔表示文字是由陳雲處傳出來的.

 

文中"小弟"就是我的舊生.

 

這小子,

有為師之風.

 

今天真是好日子,

 點點的,

又找到了教書的意義.

(各位, 看後喜歡請在FB找來廣傳, 這小子是陽. 九流)
.