結果當然給我數落了幾句!
銀絲菜煮粉絲, 沒時間浸蝦米, 用了櫻花蝦和少許濃湯寶和麻油.
因為一時大意而把栗子都炆糊了的栗子炆雞, 竟然得到激讚, 真是的, 給他氣死了.
栗子這東西不易處理, 完整時,又會不夠鬆和香, 夠鬆和香時, 往往又是碎了一碟的樣子. 今天這個賣相是不好, 但因為栗子都變了栗子糊, 把雞件緊緊裹著, 反而煮出了前所未見的效果, 連我都忍不住跟這住先生一起搶著吃.
難得會讚我煮的兩碟餸都好味? 這是甚麼意思啊? 想宣戰嗎?
是一種鼓勵啊，明天煮得更加好。
回覆刪除若問我, 我覺得自己煮得天天也好味!!!
刪除你個碼頭果然真係唔識得講嘢, 真係講多錯多.
回覆刪除你同佢講..... 咁難得, 咁就唔好成日發生喇...... 求其煮啲是但hea嘢俾佢算喇.
我想, 有些人真是沒甚麼口才, 或者不識時務的. 聽碼頭講公司的事, 頭頭是道, 不明他回家為何那麼蠢. 昨晚千辛萬苦趕去電髮, 回家已是十二時多, 他劈頭第一句就是: 咦!電完咪係同平時差唔多. 其實講完這話的下一秒, 他已知講錯話. 有時我是覺得他在扮蠢, 或者是有意激嬲我的.
刪除發口痕
回覆刪除回家就解除武裝, 胡言亂語.
刪除你叫佢煮返比你食, 睇下你會唔會"難得"讚佢..haha
回覆刪除我次次煮親栗子, 除左留幾粒完整外,其他都會煲到溶晒, 餸飯一流!大家食法唔同^^
栗子爛了, 是好味, 但就失去吃栗子的口感.
刪除碼頭如果用心煮, 是可以煮出我想要的效果的. 可惜很難得他大師傅會有心機煮俾我食.
我覺得煮栗子最難就係之前要剝衣
回覆刪除可能妳個碼頭覺得老夫老妻，大家咁熟唔駛講什麼客吐說話啦:p
我那天就剥衣那個過程出錯, 所以栗子煮煮已經散散地. 我日間工作已經好受氣, 回到家裡, 受不了血淋淋的說話啊.
刪除佢都係想讚你啫
回覆刪除佢即係話我平時得一碟餸好食喎!
刪除哈哈哈...我倒覺得是讚美呀!
回覆刪除唏, 可能我唔夠正面, 我覺得佢意思係話我平時實有一碟唔好食囉.
刪除我覺得栗子炆糊了更入味^^
回覆刪除但咁就唔多食到栗子喎.
刪除睇見你碟菜，打風前一日去街市搶了一棵，結果吃了兩餐。
回覆刪除我這些是銀絲菜, 一斤有十幾廿棵的啊.
刪除我覺得碼頭讚你, 並不是宣戰 :)
回覆刪除我都仲係覺得佢彈我平時實有一碟唔好食喎.
刪除女人不易應付，碼頭先生以後慎言.
回覆刪除哈, 這個人, 是從來沒有學懂教訓的.
刪除栗子雞有點焦味更好食!
回覆刪除是啊, 我一般會先將雞塊煎到有點微焦, 這樣才夠香的.
刪除女人唔易應酬
回覆刪除我對佢咁好, 佢係應份應酬我的啊.
刪除因碼頭祇求味道，不求賣相。：）
回覆刪除也不是啊, 他總會找些東西出來批評的.
刪除